طبعا انا مكنتش مع اماندا باينز و هي بتحط مكياج
فمش عارفه هي حاطه ايه بالظبط بس انا هقولك تعملي ايه عشان توصلي لنفس اللوك بالظبط
اول حاجه البسي لينسيز لونها اخضر فاااااتح
و بعدين حطي كريم اساس نفس لون بشرتك او ممكن اغمق درجه لاكن افتح لأ
و حطي كونسيلر تحت العين
و ثبتيهم بلوس بودر
بعد كدا حطي برونزر على الاماكن البارزه في الوش (الجبهه-الخدود-المناخير-الدقن)
على المنطقه كلها كدا
بعد كدا حطي روجاجو باللون دا
على الخدود بس
(لأن الروجاجو للخدود بس مش للوش كله و خصوصا الالوان اللي على فوشيا و احمر و بمبي لاكن اللي على اورانج و بني ممكن تتحط على الوش كله لأنها بتبقى زي البورنز)
في المكان دا
بعد كدا حطي بودره مضيئه على الاماكن البارزه في الوش (الجبهه-الخدود-المناخير-الدقن) بس على اعلى حته فيهم مش المنطقه كلها
(مش عندك بودره مضيئه ممكن شادو ابيض او بيج بيلمع لمعه خفيفه مش جليتر)
و الروج هيبقى باللون الوردي دا
مع ملمع شفاف
بس طبعا الروج اخر حاجه في المكياج
قبله بيبقى مكياج العيون
و هيبقى بالطريقه دي
حطي شادو ابيض بدون لمعه تحت العين
بالنسبه للحواجب هي حواجبها خفيفه و لونها بني فاتح
ممكن تداري حواجبك بالبودر و ترسميها بشادو بني فااااتح
(الحواجب التخينه الخفيفه المداريه بالبودر طالعه موضه السنه دي)
بعد كدا حطي خط باللون البني على قوس العين بالشكل دا
و وزعيه كويس
بعد كدا حطي لون ابيض بدون لمعه على الجفن المتحرك
حطي شادو اورانج فوق الشادو البني و ادمجيهم سوا
حطي كريم ابيض او حتى كحل ابيض عند مدمع العين
و وزعينه بسفنجه او بصابعك كويس و حطي عليه شادو ابيض
حطي كحل خفيف على خط الرموش السفلي في النص الخارجي بس
زي كدا
و وزعيه بسفنجه او عود قطن و حطي عليه شادو بني درجته على اورانج شويه
و حطي ماسكرا و رموش صناعيه
و بس دا اللوك النهائي بالفلاش
بصراحه بعد ما خلصت اللوك قولت وااااو لأنه كان جميل اوي
تنبيه : المرجوا عدم نسخ الموضوع بدون ذكر مصدره المرفق بالرابط المباشر للموضوع الأصلي وإسم المدونة وشكرا
المشاركات
